إن كتبنا القوافي ما لقينا جواب=وان صمتنا لقينا الصمت يذبح شجيع
الا يا حر كيف الحر شال الغراب=اختلف وزنها والسد ماهو منيع
وكيف عين الحقيقه تنعمي بالسراب=ما جزاها سراب الوهم غير الدميع
فوق ضيق النفوس يزودها الاكتئاب=والنفوس العزيزه ضيقها لا يشيع
صاح سعدون بـ حزامه ولبّى عقاب=يوم شامخ تشيّخ عقب ماهو تبيـع
انتهض حر دون الحر واقدم وصاب=ما ترك للدويني لا نصير وشفيع
صك بابٍ يقولونه ولا هو بـ باب=حيث باب التصنع فـ الحقيقه يضيع
الحقايق تخفى سلْم وإلا حراب=والسبب ذمةٍ من بين شرّيه وبيع
ادفنوها بـ قاع الارض تحت التراب=واعقدوا ضحكة حجاجٍ يسر الجميع
يا عقاب ان رضينا ما ننادي عقاب=وان جزعنا فترنا واعتلونا الرجيع
|
